أنا جمعتكوا هنـا النهاردة علشان هو اليوم الوحيد اللي هعرف اجمعكوا فيه فعلاً يعني بما إني بعرف أدخل وانتو كمان يارب تعرفوا تدخلوا أولاً مناسبة الموضوع مهمة وكان نفسي أعملها من زمــان
أكتـر فتـرة تتعرضوا فيها لضغوط كبيـرة و مشاكل و حاجات كتيرة نفسي أكون جنبكم وأشيل من حملكم دا و همومكم الكتيرة دي يعني أنا بشوف كلامك ع الفيس .. فعلاً بحس إن قلبي بيوجعني إزاي أقرب ناس ليـا بتتعذب و بتتألم وانا مش حاسـه وانا مش معاهم و ملقونيش جنبهم في الوقت دا لو بكلمة حتـى !! انا عارفـه إني مقصـره بشكل كبيـر معاكم كلكم .. مش هتحجج بالدراسة رغم إن لها جزء كبير من التقصير دا بـس فعلاً انا مقصره و بعترف قدامكم كلكم !
بس كفايه بقا إني ساكته طول الفتـرة اللي فاتت دي لازم أعمل أي منظر بقا علي الأقل تبتسموا كدهو أنا راضيه لو إبتسامة واحده بس بصوا الموضوع و الكلام دا يعني من غير ترتيب هي طلعت ف دماغي فجأة كدا ماشي؟ ف اسحبوا علي أي هبل
أول حاجه أنا متأكدة منهـا إن مفيش واحدة منكم عارفه هي بالنسبه لـيا إيــه ! أقسم بالله ما تعرفوا إنتوا عندي إيــه و بحلف بالله !!! حبي لكم وصل لدرجة انا مكنتش أتوقعهــا .. عمري ما اتصورت ان يكون فيه ناس ف حياتي يوصل حبي ليهم لدرجة كبيرة كدا .. حتى أنا مكنتش أعرف إن عندي كمية الحب الكبيرة دي اللي موجوده ف قلبي تجاهكم إنتوا لي وجه الخصوص ! لما بشوف إسمكم بحس براحــه فعلاً !!! مع إن كان نفسي أقول لما بشوفكم ! مش بشوف إسمكم بـس مع إني بحمد ربنـا مليون مرة و أكتــر إنكم في حياتـي حتى لو بشوفكم نادراً ! أسمائكم تكفـي قلبي إنه يرتاح أوي لما يشوفهـا لما بشوفكم بقا مبسوطين دا بيبقى عيـد و إحساس مميـز أوي !! بحس إني أمكم كلكم كدا و نفسـي سعادتكم دي تدوم لآخــــر العمــر .. نفسي أشوف الضحكة في وشكم علي طول نفسـي مفيش يوم ييجي و واحده تقولي أنا متضايقه ! أو انا مخنوقـة ! لإني وقتهـا بحس إن قلبي مسجون ومش قادر يعمل أي حاجه مش عارفه إزاي هخفف عندكم حاجه زي دي ! خصوصاً إني بعيد عنكم وبحس إني عاجـزة قدام أي مشكلة تحصل معاكم .. أي وجع بتحسوا بيـه إتأكدوا مليون في المية إني حاسه بيـه لإني اللي بينا مش مجرد أيام وعدت ! و لا كلام إتقال و خلص ! اللي بينا أكبر بكتيـــر .. لدرجة إني مش قادرة أوصف هو قد إيــه إتأكدوا إني مبحبش واحده فيكم تنفرد بحزنـهــا .. إني جزء مننا و من قلبنــا لازم نبقى معاكي في كل حاجه وكل خطوة في حياتك إنتـوا أنــــا !! إنتوا بالنسبه ليـا كُل حاجه فيــا .. إنتوا كل حاجه لدرجة إني لما بفكر هعمل إيه من غيركم بحس إني ولا حاجه .. إنتوا روح انا عايشه بيـها و قلب بينبض جوايــا هعمل إيه من غيركم و لـو الزمن أخدكم منــي ؟ علشان كدا انا عمري ما هتخلى عن واحده فيكم ! يعني ناوية و النيه لله إنـي أقعد علي قلبكم كدا لحد ما أموت !! نفسي ربنـا يحقق لكم كل حاجه بتتمنوهـا وكل حاجه انتو عايزينهــا .. نفسي اشوف سلمى أنجح مهندسـة في الدنيــا .. و سميــة أنجح دكتـورة أسنان في العالــم .. و نــوري إنجح دكتــورة في الكون كلـه و في يوم من الأيام أقول بكل فخـر دول اصحابـي أنــا !! إنتوا جرعات سعادة والله العظيــم لولا وجودكم كان زمانـي عايشه كدا و السلام !! و كل الكلام دا وأكاد أكون قولت لكم ربع اللي حاسه بيـه تجاهكم اللي في قلبي عمري ما هعرف أترجمه لحروف و كدا .. يعني إحساسات كدا متتوصفش
أسفه علي أي تقصيـــر حصل مني أو هيحصــل أسفه علي أي كلمة قولتها بقصد او بدون قصد وزعلت واحده منكم مني او نيمتها معيطة بسببـي أسفه علي أي إحساس وصل لواحده منكم إني هبعد عنها أو هسيبها أو حبي قل لها لإنه أكيد وصل من تقصير مني أسفه علي اي حاجه وكل حاااججه
اسفه كمان علي كمية النكد المفروض إني جايه أفرفشكم الموهيـم كل كلمة فيهم طالعه من معاميع أبو قلبي أقسم بالله
فهمتوا حاجه طاه ؟ بصوا انا صممت لكل واحده تصميـم و عملت التصميم دا غلاف .. و تحته ورق أبيض كتير كدا و عملتهم زي مذكــرة لكم .. يكون مذكـرة خاصه بيكم إن شاء الله لما نتقابل هديهالكم .. فكرة مجنونة شـوية و الله عصرت دماغي وكل شوية أقول الحاجه دي عملناها قبل كدا لازم أجدد لازم الهدية تكون مختلفة دول الثلاثي المرح بتوعي يعني انا بتمنى بس تعجبكم و إن شاء الله يارب ف أقرب وقت تكون كل مذكرة في إيد صحبتها و نتقابل ونقضي أيام زي العسـل
مش عارفه أقول إيــه ^ غير إني بعشقكم بطريقه محدش يستوعبها ولو اتكلمت من هنا لآخر الدنيا عمره ما هيكفي و عمري ما هقدر أطلع كل اللي ف قلبي تجاهكم بردو خدوا كل كلمة قولتها هنا وصدقوهـا جداً علشان هي حقيقة من قلبـي و من روحـي لكم .. انا مستعدة أعمل أي أي أي حاجه بس مفيش واحده تكون زعلانه ! وبتمنى أي واحده منكم متضايقه من أي واحده فينا تقول متكتمش في نفسها علشان هي بتعذبنا كدا أكتر ما بتعذب نفسها والله !!!!! ياريت تفهموها دي
الموضوع دا هديـة بسيطه كدا مني لكم بكل كلمة وحرف و صورة فيــه بحبكم بحبكم بحبكم لآخر الدنيا والعمـــر بحبكم مثلاً قد عدد شعر كل الناس اللي في العالم و قد كل ميلي متر في كل مسافه بين كل دول العالم
آمــيرة ملقتش رد فعل غير اني أعيط مكنتش متوقعة ابدا ! كنت داخلة فاكراه تهييس يومي لشارو وكنت داخلة على اساس اهييس معاكي يعني ريلي مش لاقية حاجة اقولهالك متحمسة جددددا جدا لليوم الي هشوفك فيه الصورة الي اخترتيها للغلاف معبرة جدا احنا هنبقى مكان البنوتة الي قاعدة ع البحر دي يوما ما وشروق هتصورنا صور فيها لمسات فنية واحتمال ترسمنا هههههههههههههه متحمسة اشوف مامتك الجميلة وابوسها بنفسي بعد ما كنت بخليكي تبوسيهالي متحمسة اخد المذكرة دي واكتبلك فيها كلام مش هلاقي حاجة تانية اكتبها غير ليكي ونفسي بجد بجد اطبق الفكرة دي بس حاسة اني خلاص هعتزل فوتو انا حمارة اقسم بالله بحببببببك
الخميس 22 أكتوبر 2015 - 13:35
موضوع: صديقتي وان الزمن أبكاكِ او أحزنكِ وأنا لم انتبه تباً لقلبي كيف لم يشعر :(
أنا راضيه لو إبتسامة واحده 
وكنت داخلة على اساس اهييس معاكي
